«европа иттифоқи» тегли мақолалар
Европа Иттифоқи Марказий Осиёга қарши санкциялар қўлламасликка ваъда берди
Европа Кенгаши раҳбари Шарль Мишель Марказий Осиёнинг бешта давлати етакчиларини уларнинг мамлакатлари Россияга қарши жорий этилган чекловларни бузса, Европа Иттифоқи санкциялар қўлламаслигига ишонтирди. Санкциялар фақат «Россия уруш машинасини қўллаб-қувватлаганларга» нисбатан қўлланади.
ЕИ Ўзбекистон қишлоқ хўжалиги соҳаси учун 27 млн евро грант ажратади
Европа Иттифоқи Ўзбекистон қишлоқ хўжалигидаги ислоҳотларга ёрдам бериш мақсадида 27 млн евро грант ажратади. Маблағлар соҳада илм-фан, таълим, ахборот хизматларини ривожлантириш, иқлим ўзгаришига мослашиш ва оқибатларини юмшатиш каби тадбирларини амалга оширишга йўналтирилади.
Ўзбекистон президенти МО ва ЕИ ўртасидаги мулоқот доирасида қатор ташаббусларни илгари сурди
Шавкат Мирзиёев «Марказий Осиё — ЕИ» етакчилари саммитида Ўзбекистонда ЕИ талаблари бўйича стандартлаштириш лабораториялари ҳали яратилмаган бўлса-да, GSP+ тартибини узайтиришдан манфаатдор эканини таъкидлади. Шунингдек, у Транскаспий йўлагини ривожлантириш учун қулайроқ тарифлар зарурлигини айтди.
Ўзбекистон ИИВ ва Европа Иттифоқи ўзаро тажриба алмашишни давом эттиришга келишиб олди
Ўзбекистон Ички ишлар вазирлиги раҳбари билан Европа Иттифоқининг Марказий Осиё бўйича махсус вакили ўртасида бўлиб ўтган учрашувда «доимий мулоқот ва тажриба алмашишни ривожлантириш», шунингдек, мутахассисларнинг малакасини оширишни мунтазам ташкил этиш бўйича келишувга эришилди.
Ўзбекистон президентининг «Европа Иттифоқи — Марказий Осиё» иккинчи саммитида қатнашиши кутилмоқда
Қирғизистон 2 июнь куни Чўлпонотада «Европа Иттифоқи — Марказий Осиё» иккинчи саммити ўтказилишини эълон қилди. Унда Европа Кенгаши раҳбари, Ўзбекистон, Қирғизистон, Қозоғистон, Тожикистон президентлари ҳамда Туркманистон бош вазири ўринбосари иштирок этиши кутилмоқда.
ЕИ ва ФТА Ўзбекистоннинг 2030 йилгача яшил иқтисодиётга ўтишини қўллаб-қувватлайди
Европа Иттифоқи, Франция тараққиёт агентлиги ва Ўзбекистон ҳукумати мамлакатнинг 2030 йилгача яшил иқтисодиётга ўтиши бўйича стратегиясини қўллаб-қувватлаш ва молиялаштириш борасидаги битимни имзолади.
Ўзбекистон компаниялари Россияга қарши санкцияларни четлаб ўтишдаги ёрдами учун ЕИнинг «қора рўйхати»га киритилиши мумкин
Европа Иттифоқи давлатлари Россиянинг Украинадаги уруши муносабати билан янги санкцияларни муҳокама қилмоқда. Reuters инсайдерларига кўра, Россияга киритилган санкцияларни четлаб ўтишга ёрдам берадиган Хитой, Эрон, Қозоғистон ва Ўзбекистон компаниялари қора рўйхатга киритилиши мумкин.
«Ўзбекистон ўз ҳудудидан санкцияларни четлаб ўтиш учун фойдаланишга қарши эканидан миннатдормиз» — ЕИ махсус вакили
ЕИнинг санкциялар бўйича махсус вакили Дэвид О’Салливан Ўзбекистон ва Евроиттифоқ мамлакат ҳудудидан Россияга қарши санкцияларни четлаб ўтиш, хусусан, икки мақсадли товарларни қайта экспорт қилиш учун фойдаланилмаслигини таъминлаш борасида қандай ишлар олиб бораётгани ҳақида маълумот берди.
ЕИ Ўзбекистон ҳукумати ва бизнес вакиллари учун санкциялар бўйича семинарлар ўтказади
Европа Иттифоқи Ўзбекистондаги давлат ташкилотлари ва бизнес субъектлари учун санкциялар бўйича ўқув семинарлари ўтказишни режалаштирмоқда. Бундан санкцияларни четлаб ўтишга қарши курашишда ҳамкорликни кучайтириш мақсад қилинган.
Франция президенти Хитойни урушни тўхтатиш учун Россияга таъсир ўтказишга чақирди
Хитойга ташриф буюрган Франция президенти Эммануэль Макрон мамлакат етакчиси Си Цзиньпинни Россиянинг Украинага қарши урушини тўхтатишга ёрдам беришга чақирди. ХХР раҳбари тинчлик музокаралари эрта бошланишига умид билдириб, томонларни вазминликни сақлаш, тинч аҳолига ҳужумлардан қочишга чақирди.
ЕИнинг санкциялар бўйича махсус вакили Ўзбекистонга келишни режалаштирмоқда
Европа Иттифоқининг санкциялар бўйича махсус вакили Дэвид О’Салливан Ўзбекистонга ташриф буюриши кутилмоқда. ЕИнинг Тошкентдаги делегацияси «Газета.uz»га ташриф апрель ойи охирида бўлиши мумкинлигини маълум қилди.
ЕИ Россияга санкцияларни четлаб ўтишга ёрдамлашаётган давлатларга савдо чекловларини жорий қилиши мумкин
ЕИ Россияга «икки мақсадли» технологияларга эга техникалар олишга ёрдам берадиган давлатларга савдо чекловларини жорий этишни режалаштирмоқда. Гап, хусусан, ЕИдан Қозоғистон, Қирғизистон ва Ўзбекистонга экспорт қилинаётган кир ювиш машиналари, эски автомобиллар ва фотокамералар ҳақида бормоқда.
ЕИ учинчи давлатлар орқали Россияга санкция технологиялари транзити устидан назоратни кучайтиради
Европа Иттифоқи илғор Европа технологиялари ва Россия Украинада ҳарбий мақсадларда фойдаланиши мумкин бўлган бошқа товарлар импортини кескин оширган давлатларга мурожаат қилишни режалаштирмоқда. Гап Туркия, БАА ҳамда Шарқий Европа ва Марказий Осиёнинг бошқа давлатлари ҳақида кетаётган бўлиши мумкин.
АҚШ ва ЕИ Россияга қарши янги санкциялар киритди. «Мегафон» экспорт чекловлари остида қолди
АҚШ, ЕИ ва бошқа давлатлар Россияга қарши санкцияларни кенгайтирди. IT-компаниялар, банклар, жисмоний шахслар ҳам чекловлар остида қолди. Жумладан, МегаФонга нисбатан экспорт чекловлари жорий этилди. У санкциялардан уч кун олдин Ўзбекистондаги қўшма корхона таъсисчилари сафидан чиққан эди.
Сурхондарёда 46 нафар афғонистонлик ҳайдовчиликка ўқитилди
Термизда 46 нафар Афғонистон фуқароси Европа Иттифоқи ва БМТ Тараққиёт дастурининг қўшма лойиҳаси бўйича ҳайдовчиликка ўқитилди. Шунингдек, яна 35 нафари тикувчиликка тайёрланди.
«Марказий Осиё мамлакатларининг ҳамкор танлашда эркин бўлиш ҳуқуқини қўллаб-қувватлаймиз» — Жозеп Боррель
Марказий Осиёдаги ҳамкорлар, худди Европа каби, стратегик автономликни истайди, Евроиттифоқ уларнинг тарихий ё жуғрофий ўзига хосликлардан қатъи назар бирор бир халқаро ҳамкорга муте бўлиб қолмаслик истагини ҳурмат қилади, деди ЕИнинг олий вакили Жозеп Боррель Самарқанддаги анжуманда.
Украинадаги уруш Марказий Осиё учун глобал оқибатлар келтириб чиқаради — Боррель
Россиянинг Украинага агрессияси Марказий Осиё учун глобал оқибатлар келтириб чиқаради, чунки халқаро ҳамкорлик издан чиқади. Европа дипломатиясининг раҳбари Жозеп Боррелнинг фикрича, ҳамкорликнинг мустаҳкамланишигина уруш сабаб юзага келган инқироз оқибатларини енгиб ўтишга ёрдам беради.
FT: Ўзбекистон Европа Иттифоқидан Алишер Усмоновга нисбатан санкцияларни бекор қилишни сўрамоқда
Ўзбекистон Европа Иттифоқидан Алишер Усмоновга нисбатан жорий этилган санкцияларни бекор қилишни сўради. Financial Times’нинг ёзишича, Ўзбекистон томони бу илтимосни амалдаги чекловлар миллиардернинг мамлакат иқтисодиётига инвестициялар киритишига халал бераётгани билан изоҳлаган.
Марказий Осиё ва Евроиттифоқ давлатлари раҳбарлари учрашувларини мунтазам ўтказишни режалаштиряпмиз — Шарль Мишель
Еврокенгаш раҳбари Ўзбекистон президенти билан Россия ва Украина уруши, унинг Марказий Осиё ва дунё учун оқибатлари, энергетика инқирози ва Афғонистондаги вазиятни муҳокама қилганини айтди. «ЕИнинг яширин кун тартиби йўқ, биз тинчлик ва хавфсизликнинг асосий тамойилларига асосланамиз», деди у.
Ўзбекистон Европа инвестиция банкининг минтақавий офисини очишга тайёрлигини билдирди
Остонада ўтказилаётган «Марказий Осиё — Европа Иттифоқи» саммитида Ўзбекистон президенти ЕИ бозорларига чиқиш учун самарали транспорт-логистика коридорларини яратиш зарурлигини таъкидлади. Мамлакат Европа инвестиция банкининг минтақавий офисини очиш учун тайёрлигини билдирди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг